PISHI LA LEO - TEMBELE

Leo tutaongelea upikaji wa Matembele, ambayo yanapikwa na mwananchi wa kawaida kabisa

Ananunua fungu La Tembele shilingi 200/-, Nyanya 300/-, Kitunguu 100/-, Carrot 200/- akitaka/akipenda na Hoho 200/- bila kusahau kibaba cha mafuta ya kula

Akajitwalia mafungu mawili yaliyoshiba

Unayachambua vizuri, halafu unayaweka juani yanyauke kiasi

Ukiridhika na unyaukaji wake, yasafishe vizuri na maji uhakikishe mchanga umetoka

Andaa viungo vyako, kwa mimi sikupenda kuweka hoho, hivyo nikaandaa, Kitunguu,Nyanya na Carrot, pia haishauriwi kutumia nyanya nyingi kwenye mboga, zina Acid, zaweza kusababisha madhara tumboni hasa vidonda

Weka kijiko/vijiko cha mafuta sufuriani hapo itategemea na wingi wa mboga uliyonayo, mafuta mengi si mazuri kwa afya, mafuta yakipata moto weka vitunguu vilivyo katwa katwa, uwe unageuza geuza hadi viwe na rangi ya kahawia

Vitunguu vikiwa na rangi ya kahawia, weka nyanya zako ulizo kata kata, geuza geuza, uweka Carrot ulizo katakata, geuza geuza ili mchanganyiko uwe sawa, kama una hoho ulizo kata kata weka pia, pima kiwango cha chumvi weka, endelea kugeuza geuza hadi mchanganyiko ulainike vizuri na uridhike, usitumie muda mrefu sana kuepuka kukauka

Ukisharidhika weka Matembele yako kwenye ule mchanganyiko, geuza geuza, halafu funika, kama kawaida mboga za majani hazitakiwi kuiva sana ili kuhifadhi vitamini vyake vifae mwilini kiafya zaidi, ndani ya dakika 5 hadi 7 funua uangalie mboga yako uigeuze geuze kidogo, waweza onja chumvi na kama imeiva, ipua

Hapa mboga yetu iko tayari kuliwa

Waweza kula na ugali, wali, mihogo ya kuchemsha, viazi vya kuchemsha nk.
Enjoy your Meal

Tembelea hapa ujifunze mambo mengi kuhusu afya yako